又一次既台灣之旅, 計埋依次, 我應該係第5次去台灣喇,
雖然已經有太多人問我做咩要去甘多次, 咩真係甘好玩咩, 點解唔去第2度啊,
的而且確, 台灣已經成為左我既神秘花園, 係香港工作得唔開心, 受左冤屈氣,
我就好想馬上出張機票飛過去, 就好似佢成為左我既二太太甘,
永遠溫柔體貼, 善解人意, 永遠甘得我歡心.

今次既主菜是墾丁, 唔為海角七號, 唔為我在墾丁天氣晴就扼你既,
不過查實我是為春吶音樂會之名而黎既, 上次去台灣同佢刷身而過,
第日聽報紙, 見到萬人空巷一齊吶喊個種沸騰, 的確好想親歷其境.

準備左8個月, 卒之係4月成行, 由於到今次既首站係墾丁, 所以係高雄LAND, (1)
浦到機場, 就見到有幾件香港既低能仔, 係度大吵大鬧,一睇就知係黎開餐既迷幻中年(2),
香港人既朵就係甘俾佢地d粉人敗哂~!

由高雄機場到墾丁, 仲要搭多9個字車, 多得有對經常去墾丁衝浪既夫婦既提點,
原來係當地幾個人夾份搭的士原來抵好多既, 係搭車既途中沿路都有好多生果檔(4),
好客既的士司機梅姐就介紹話最當地最出名既生果叫"黑金鋼"(3),
係類似"莉"既生果, 我唔多"好"生果都忍唔住要掃十幾個番去慢慢炭.

 
(1) 高雄~i am coming                 (2)就係后面個幾件蛋散係度嘈   (3)手揸"黑金鋼"既就係梅姐喇           

(4)沿途都會見到d甘colorful既生果 (5)芋泥色既南灣, 令到脾            (6) 白色公寓, Internet上第一名


卒之到左南灣(5), 見到黃金色既海灘, 烈火青春既男女, 連綿不絕既到訪者, 同埋街頭一旁既歌者, 心情high 爆, 經已擴奮到不行, 未有本錢去Hawaii, 可以係墾丁感受個份氣色都願已足矣, 急不及待去公寓睇下環境(6), 南灣盡收眼簾, 的而且確, 個刻忍唔住要向夏日狂嘩~!正點耶

由於三少既台灣朋友未到, 我地係度梢作休息, 整理下行裝, 睇下百看不厭既台灣電視, 好快就入夜喇, 因為太興奮, +埋十級肚餓, 我地決定私自出發, 往墾丁大街(7)出發, 起先大家都一鼓作氣, 邊行邊講, 15分鐘既路程好快就甘消磨過去, 但沿路人影飄渺, 開始感到唔對勁, 會唔會仲有8千里路云和月既呢?! 雖然對自己既方向感信心十足, 最後都係隨手"yup"的士好了. 唔夠10分鐘既路程, 盛惠50港元, 的士哥哥, 你是我唯一比較接近壞蛋的台灣人喔 . 


浦落車, 有人疑似唔見相機, 大家驚云未定, 岩岩俾人"打劫"左50蚊, 難道連相機都益埋佢, 本來大令既心情涼左一折, 浪費一番境致, 最後還係要等三少既朋友一齊到, 再折番公寓尋機, 玲同fiya真係好好, 租好車, 會合我地, 再一番折騰車我地去尋機, 好彩係虛驚一場, 三少, 下次小心d喇

係番去大街既時候, 我地見到一隊"靚"車車隊飛過, 冇錯, 係飛過, 仲要係周董個種好Noise既蝙蝠車, 還來不及拎相機, 條車隊經已火速超越, 真係好可惜啊, 想收埋相機之際, 車龍既另一旁又有d美眉係d啤酒車上面跳干管舞, Oh My God, 只可以講, 佢地既衣著真係精彩2個字都唔夠形容, 條緊身皮褲, 只可以用幾吋黎形容, 眼睛大吃冰淇淋, 真係出奇到o咀啊~!

拍好車, 我地向大街附近既食店埋手, 隨意去到一間"吳師傅魯味"食野(7), 講老實, 我本應食慾不大, 因為個魯味俾我既感覺就係香港既車仔麵, 車仔麵於我黎講就好似ATV既電視節目甘, 冇野食, 咪係甘意食下囉, 絕對唔會係我既首選, 誰不知食過就知賴野喇, 佢魯味好食到脾啊~!KEKEKKEKE
個D千年魯汁, 又中藥又濃完全正中下懷啊, 仲有個支俾封為蛇辣既醬, 外國人吃過感覺如俾蛇咬, 蛇辣之名實在傳神, 吃一少口, 經已令人大腦麻脾, 卻又欲罷不能~!個個After taste, 即使我事隔多月寫番, 都仍然回甘, fiya既介紹果然好靠得住, 下次入番十支八支看門口, good~!

(7) 吳魯味的好食~keke
飲飽食醉, do some shopping, 又玩下懷舊遊戲(11)之後, 我地要番公寓休息lu~因為明日既墾丁精采行程又要開動囉, 期待中..............

                                                                                                      (11) 細個好中意玩既~

情人節既時候選左十部經典愛情片
http://appledaily.atnext.com/template/apple/art_main.cfm?iss_id=20090214&sec_id=462&subsec_id=830&art_id=12205383
十部電影入面, 六部有伴都唔係HAPPY ENDING既,
畢竟細水長流式既愛情, 最後只會係乏善足陳,
一齊喇, 往後既日子還不是睇電視, 食飯, 拉屎.仲有咩可以談,
有時愛情片之所以經典, 係因為佢有時限, 
好似 <<Titanic>>甘, 差唔多3個鐘既時間就只係講1,2日既事,
將浪漫時刻描寫得有甘細緻得甘細緻,
猶記得當年入場睇戲之時, 附近既前排觀眾一字排開law紙巾,
唔講唔知, 一定會以為佢地係titanic死難者既家屬.....
十二年後, 當年既啊jack 同 rose 再合作, 係revolutionary road 入面,
講既係另一個折然不同既故事, 或者大家可以想像,
啊jack 同rose如果係當日大難不死, 往後既日子可能如"浮生路"既劇情推進,
2個自命不凡既人係派對相遇, 順理成章一齊, 相愛結婚生子,
之後先發現, 自己往父母既舊路一直走, 個條自己所鄙視既人生路走.
曾經相愛既2人, 由當初相遇相知, 之後開始亙相鄙視, 到後黎知道對方有婚外情都漠不關心,
最後更加連俾對方觸到就痛苦到想大叫,
就好似除左講說話傷害對方, 令對方嬲, 2個人之間就再冇任何火花,
女主角係一次爭執講左一句好傷人既說話
:"你只不過係一個係派對度乙水過我笑既男仔JA"
大家過去既經歷, 開心既回憶, 就俾一句說話通通抺殺哂.
原來細水長流唔容易, 流水沖沖, 沖走既係歲月, 係過去美好回憶, 係彼此既努力,
最後只留底個個曾經對你示愛, 但已變得蒼涼乏力既眼神

相隔12年~男女主角各自發生左好多故事, 各自有自己既變遷, 再次睇番2人既合作, 真係百感交集